ფეხბურთი

23:46 | 28.12.2019 | ნანახია [] - ჯერ

"მონაკოში" მორენო ჟარდიმს შეცვლის

"მონაკოს" ხელმძღვანელობა კლუბის მთავარ მწვრთნელ ლეონარდუ ჟარდიმს დაითხოვს და მის ნაცვლად ესპანეთის ეროვნული ნაკრების ყოფილ თავკაცს რობერტო მორენოს დანიშნავს. აღნიშნული ინფომაცია L`Equipe-მ გაავრცელა.

კლუბის ხელმძღვანელობამ პორტუგალიელი სპეციალისტის გაშვება გადაწყვიტა და ფრანგული გამოცემის ცნობით, ჟარდიმი ფეხბურთელებს უკვე დაემშვიდობა. ფეხბურთელებმა ბოლო ვარჯიში ლეონარდუს გარეშე ჩაატარეს.

"მონაკო" ჟარდიმს უკვე მეორედ დაითხოვს. პორტუგალიელმა პირველად გუნდი 2014 წელს ჩაიბარა და "მონაკო" 2016/17 წლების სეზონში საფრანგეთის ჩემპიონიც გახდა. 2018 წელს ლეონარდუ წარუმატაბელი თამაში გამო გაუშვეს და მის ნაცვლად გუნდი ტიერი ანრიმ ჩაიბარა, რომელმაც ხელმძღვანელობის იმედები ვერ გაამართლა და 2019 წლის იანვარში ჟარდიმი მეორედ მიიწვიეს. ამჟამად "მონაკო" ლიგა 1-ის სატურნირო ცხრილში მეშვიდე ადგილზე 28 ქულით იმყოფება.

0.152367