ფეხბურთი

16:26 | 26.12.2019 | ნანახია [] - ჯერ

„ლესტერის“ მცველი პერეირა: „პრემიერლიგაში საჩემპიონო ბრძოლა ჯერ არ დამთავრებულა“

„ლესტერის“ პორტუგალიელმა მცველმა, რიკარდუ პერეირამ, თავისი აზრი გაუზიარა ჟურნალისტებს, პრემიერლიგის წლევანდელი სეზონის და „ლივერპულთან“ დღევადელი მატჩის შესახებ.

„ინგლისში არასოდეს იცი, ვინ გახდება ჩემპიონი. ლიდერის 10-ქულიანი ჰანდიკაპი მართალია, ბევრია. მაგრამ, შარშან „ლივერპული“ კარგა ხანს 7 ქულით იყო ოპონენტებზე წინ, ჩემპიონი კი „სიტი“ გახდა. ვფიქრობ, გადაწყვეტილი ჯერ არაფერია, თუმცა მერსისაიდელებს კომფორტული უპირატესობა აქვთ.

„ლივერპულთან“ დიდი მატჩი გველის. ძალიან ძლიერ მეტოქეს ვხვდებით. ვიცით, რომ გაგვიჭირდება. მაგრამ შინ, საკუთარი გულშემატკივრების თვალწინ ვთამაშობთ და ვეცდებით, თავი არ შევირცხვინოთ. მთავარია, დაცვაში შეცდომა არ დავუშვათ.“ - ციტირებს პერეირას სიტყვებს Goal.

„ლესტერ“ – „ლივერპულის“ მატჩი დღეს, 26 დეკემბერს გაიმართება ლესტერში, „კინგ პაუერის“ სტადიონზე და თბილისის დროით, ღამის 12 საათზე დაიწყება.

0.112986