„იბეროსტარ ტენერიფეს“ ქართველი ცენტრი გიორგი შერმადინი მოლოდინისამებრ ესპანეთის ლიგა ენდესას მე-14 ტურის საუკეთესო მოთამაშედ დასახელდა. შერმადინმა გასულ უიქ-ენდზე მართლაც შესაშური თამაში აჩვენა და „გრან კანარიასთან“ იფრინა.

გიორგიმ 29 წუთში 32 ქულა, 9 მოხსნა, 1 პასი და 3 ჩაჭრა მიითვალა. მარგი ქმედების კოეფიციენტის მაჩვენებელმა 42 შეადგინა, რაც მთლიანად ტურში საუკეთესო შედეგი იყო.

შერმადინი მიმდინარე სეზონში ტურის MVP-ის ტიტულის მფლობელი უკვე მესამე გახდა (მეათე და მე-12 ტურებშიც დაასახელეს საუკეთესოდ), ხოლო ესპანურ კარიერაში მეშვიდედ. გარდა ამისა, მას შემდეგ, რაც შერმადინი პირინეის ნახევარკუნძულზე ირჯება, „გრან კანარიასთან“ 32 ქულა და მარგი ქმედების 42 კოეფიციენტი პირადსარეკორდო მაჩვენებლებია.

აქვე იმასაც გეტყვით, რომ ქართველი კალათბურთელი ტურის სიმბოლურ ნაკრებშიც მოხვდა, მოპოვებული ქულებისა და მარგი ქემდების მაჩვენებლით, რადგან მე-14 ტურში აღნიშნულ ორ კომპონენტში საუკეთესო გახლდათ.