ეილათში (ისრაელი) მიმდინარე 15 და 17- წლამდელ ძალოსანთა ევროპის ჩემპიონატზე გურამ ვეკუამ საქართველოს ნაკრებს პირველი მედლები მოუპოვა.
96 კილოგრამ წონით კატეგორიაში მოასპარეზე ვეკუამ, რომელიც ფიცარნაგზე 15- წლამდელებში წარსდგა, ატაცში სამივე ცდა (118/122/126) წარმატებით გამოიყენა და ოქროს მედალი მოიპოვა. ამასთან მეორე და მესამე მისვლაზე ევროპის რეკორდებიც გააუმჯობესა.
ვეკუა საუკეთესო იყო აკვრაშიც. მომავალმა ჩემპიონმა აქაც სამივე მისვლა წარმატებით დააგვირგვინა (144/148/151) და ოქროს მედალი დაისაკუთრა. გარდა ამისა, სამივე შემთხვევაში ევროპის რეკორდები დაამხო. ევროპის რეკორდი იყო ორჭიდის ჯამში დაგროვილი 277 კილოგრამიც.
geonoc.org.ge