იტალიის სერია A-ს მე-14 ტურის დასკვნით მატჩში „კალიარიმ“ გენუის „სამპდორია“ გიჟურ დაპირისპირებაში მსაჯის მიერ კომპენსირებულ მე-6 წუთზე ალბერტო ჩერის გატანილი გოლით დაამარცხა (4:3).

ამის შესახებ უკვე გიამბეთ, მაგრამ ახლა სხვა საინტერესო დეტალი. „კალიარის“ სოციალური ქსელის გვერდზე ტვიტერში მატჩის საინტერესო გრაფიკა განთავსდა, სადაც 3:3 ეწერა, მაგრამ ერთი სამიანი უბრალოდ გადახაზულია და ზემოდან 4 აქვს მიწერილი.

სარდინიელთა გვერდმა გაიხუმრა და დაწერა, რომ გრაფიკა უბრალოდ მზად არ იყო ასეთი სცენარისთვის და გადაწყვიტეს ორიგინალური პოსტი საჯაროდ გამოექვეყნებინათ.

ცნობისთვის, როლანდო მარანის გუნდი ბრწყინვალე სეზონს ატარებს და საწყის ორ ტურში განცდილი ორი მარცხის შემდგე მიჯრით 12 ტურია დაუმარცხებელია.