საქართველოს კრისტალბეთ ეროვნული ლიგის 2019 წლის სეზონი „დინამო თბილისის“ ტრიუმფით დასრულდა. თუმცა, არ დასრულებულა საფეხბურთო სეზონი, რადგან რამდენიმე საკითხი ჯერაც ღიაა.

ეროვნულ ლიგაში, ლიგა 2-სა და ლიგა 3-ში პლეი-ოფებია დარჩენილი, რის შედეგადაც მომდევნო სეზონისთვის სამივე ლიგა სრულად დაკომპლექტდება.

ეროვნულ ლიგა 2-ში ადგილის შესანარჩუნებლად ფოთის „კოლხეთი“ და ლანჩხუთის „გურია“ იბრძვიან, ხოლო ეროვნული ლიგა 3-დან დაწინაურების იმედი წყალტუბოს „სამგურალსა“ და „არაგვს“ აქვთ. პლეი-ოფში „არაგვი“ „გურიას“, ხოლო „კოლხეთი“ „სამგურალს“ ხვდება. ორრაუნდიან მატჩებში გამარჯვებულები კი მიზანს მიაღწევენ და გაისად ეროვნულ ლიგა 2-ში ითამაშებენ, დამარცხებულები კი პირიქით, ეროვნულ ლიგა 3-ში მოსინჯავენ ძალებს.

ეროვნულ ლიგა 2/ეროვნული ლიგა 3-ის პლეი-ოფი:

4 დეკემბერი

„არაგვი“ – „გურია“

„კოლხეთი“ – „სამგურალი

10 დეკემბერი

„სამგურალი“ – „კოლხეთი“

„გურია“ – „არაგვი"

ანალოგიური ვითარებაა ერთი საფეხურით მაღლა: ეროვნულ ლიგაში დასარჩენად „სიონი“ და „რუსთავი“, ხოლო აღსაზევებლად „სამტრედია“ და „თელავი“ იბრძოლებენ. პრინციპი აქაც იგივეა, ორი საპლეი-ოფო მატჩი (ორმატჩიანი). გამარჯვებულები უმაღლეს დივიზიონში გაატარებენ 2020 წლის სეზონს, ხოლო დამარცხებულები ეროვნულ ლიგა 2-ში.

ეროვნული ლიგა/ეროვნული ლიგა 2-ის პლეი-ოფი

5 დეკემბერი

„სიონი“ – „სამტრედია“

„თელავი“ – „რუსთავი“

11 დეკემბერი

„რუსთავი“ – „თელავი“

„სამტრედია“ – „სიონი“

გარდა ამისა, 8 დეკემბერს, საქართველოს თასის ფინალი გაიმართება, რომელშიც თბილისური დერბი, „საბურთალოსა“ და „ლოკომოტივს“ შორის შედგება.