კალათბურთი

16:12 | 1.12.2019 | ნანახია [] - ჯერ

დუდა სანაძის პირველი მარცხი პორტუგალიაში და 10 ქულა ლიდერ პორტუსთან

რაც პორტუგალიაში გადავიდა, დუდა სანაძის გუნდმა პირველად წააგო. ქართველი უკანახაზელი “ოლივეირენშეში” 1 თვის წინ გადავიდა და მას შემდეგ ამ გუნდმა 5 მატჩი მოიგო. პორტუგალიის ჩემპიონატის გასულ ტურში კი ოლივეირენშელები ლიდერ პორტუს შეხვდნენ და 71:81 წააგეს.

ოლივეირენშემ მხოლოდ მე-3 მეოთხედი (23:16) მოიგო, დანარჩენები კი დათმო და ბოლოსკენ გამარჯვების შანსი აღარ ჰქონია.

სანაძე ტრადიციულად სასტარტო ხუთეულში იყო და 30:25 წუთში 10 ქულა, 3 მოხსნა, 3 პასი და 1 დაფარება მიითვალა.

დუდამ 5-დან 1 ორქულიანი, 4-დან 1 სამქულიანი და 5-ვე საჯარიმო ჩააგდო, ბურთი 2-ჯერ დაკარგა, ერთხელ დაუფარეს, 3 პერსონალური ფოლი მიიღო, მის წინააღმდეგ კი 2-ჯერ დაჯარიმდნენ.

ქართველი ლეგიონერის მოედანზე ყოფნის პერიოდში, მასპინძლებმა სტუმრებზე 24 ქულით ნაკლები ჩააგდეს და სამწუხაროდ, ეს უარესი მაჩვენებელი გახლდათ.

ოლივეირენშე 7 მოგებითა და 2 წაგებით მე-3 პოზიციაზე იმყოფება, მომდევნო მატჩს კი 1 დეკემბერს, სტუმრად, მეორეადგილოსან სპორტინგთან ჩაატარებს.

gbf.ge

0.119139