კალათბურთი

10:35 | 30.11.2019 | ნანახია [] - ჯერ

გოგა ბითაძის 0 და ტრეი იანგის 49 ქულა - "ინდიანამ" ზედიზედ მეხუთედ მოიგო

ეროვნულ საკალათბურთო ასოციაციაში გოგა ბითაძის „ინდიანა პეისერსმა“ „ატლანტა ჰოუქსს“ უმასპინძლა და დრამატულ ბრძოლაში დაამარცხა. შეხვედრა დაძაბული გამოდგა და ოთხი პერიოდის შემდეგ ფრე, 94:94 დაფიქსირდა. შესაბამისად, გამარჯვებულის ვინაობა ოვერ ტაიმმა გაარკვია, სადაც მასპინძლებმა ერთი ქულით მეტი ჩააგდეს და 105:104 მოიგეს.

სამწუხაროდ, გოგა ბითაძემ თავი ვერაფრით გამოიჩინა და ამისთვის საკმარისი დროც არ მისცემია. ქართველმა ცენტრმა 4:13 წუთში შეხვედრა უქულოდ დაასრულა და საკუთარ აქტივს მხოლოდ ორი მოხსნა შემატა. გოგამ ერთხელ შეუტია და არაზუსტად ისროლა.

„ინდიანას“ რიგებში საუკეთესო ჯერემი ლამბი იყო 20 ქულით, დომანტას საბონისმა კი ორმაგი დუბლი გაიფორმა - 17 ქულა, 12 მოხსნა. „ატლანტას“ მხრიდან ფანტასტიკური თამაში ჩაატარა ტრეი იანგმა, რომელმაც „ქორების“ მოპოვებული ქულების (104) პრაქტიკულად 50% ჩააგდო - 49 ქულა!

„ინდიანა“ ჩინებულ ფორმაშია, ზედიზედ მეხუთე გამარჯვება მოიპოვა და აღმოსავლეთ კონფერენციაში 12 მოგებითა და 6 წაგებით მეექვსე პოზიციაზე იმყოფება. ინდიანაპოლისელები მომდევნო მატჩს 1 დეკემბერს, სტუმრად „ფილადელფიასთან“ გამართავენ.

0.117284