ფეხბურთი

19:06 | 29.11.2019 | ნანახია [] - ჯერ

ლეგენდის დაფასება - "მალმემ" 32 წლის შემდეგ ფეხბურთელი გააცილა (+VIDEO)

შვედური „მალმეს“ ვეტერანი ფეხბურთელი მარკუს როზენბერგი მშობლიურ გუნდს ტოვებს და გუშინ ევროპა ლიგაზე, კიევის „დინამოსთან“ საშინაო არენაზე ბოლო მატჩი ჩაატარა.

შვედ ფორვარდს კლუბმა და გულშემატკივრებმა ზღაპრული გაცილება მოუწყვეს, ოვაციები, ტაში, ცრემლი, ბანერები, შეძახილები - ლეგენდა სათანადოდ დააფასეს.

თავად როზენბერგსაც დაუვიწყარი საღამო ჰქონდა, დუბლი შეასრულა და თავის გუნდს უმნიშვნელოვანესი გამარჯვება მოუტანა. მარკუსმა 48-ე წუთზე ანგარიში გაათანაბრა (2:2), ხოლო მსაჯის კომპენსირებულ მე-6 წუთზე დუბლი გაიფორმა და „მალმეს“ 3 ქულა მოაპოვებინა - 4:3.

ამ გოლით „მალემ“ ჯგუფიდან გასვლის შესანიშნავი შანსი დაიტოვა, რადგან 8 ქულა დააგროვა და მეორე პოზიციაზე გადავიდა. სწორედ კიევის „დინამოს“ გადაასწრო, რომელსაც 6 ქულა აქვს და ბოლო ტურში ერთ-ერთი გააღწევს პლეი-ოფში.

როზენბერგი ქალაქ მალმეში დაიბადა, აკადემიაში 5 წლის ასაკში ჩაირიცხა (1987-2001), ხოლო 2001-2005 წლებში მთავარ გუნდში თამაშობდა. სკანდინავილემა შემდეგ „ჰალმშტადის“, „აიაქსის“, „ვერდერის“, „რასინგისა“ და „ვესტ ბრომვიჩის“ შემადგენლობაში ითამაშა, ხოლო მშობლიურ გუნდს 2014 წელს დაუბრუნდა. 37 წლის ფეხბურთელმა „მალმეში“ ჩატარებულ 286 შეხვედრაში 110 გოლის გატანა მოახერხა.

0.134178