ფეხბურთი

2:22 | 19.11.2019 | ნანახია [] - ჯერ

"როდის იყო დიდთან პატარას გასვლია მართალი, მაგრამ ყველაფერი წინაა" - გიორგი არაბიძე სლოვაკეთთან მატჩს გამოეხმაურა

საქართველოს 21-წლამდე ნაკრების ფეხბურთელმა გიორგი არაბიძემ თანაგუნდელები გაამხნევა. „ადანასფორის“ შემტევი „პატარა ჯვაროსნებს“ სლოვაკეთთან წაგებულ მატჩში (2:3) ტრავმის გამო ვერ დაეხმარა და სოციალურ ქსელში სტატუსი გამოაქვეყნა:

„არაუშავს ძმებო ძალიან მაგარი ბიჭები ხართ. როდის იყო პატარას დიდთან გასვლია. არ გამკვირვებია ესეთი დამოკიდებულება მსაჯებისგან, მაგრამ არაუშავს ყველაფერი წინაა... ყველაფერი ისე იქნება, როგორც ჩვენ გვინდა! ჩამოვლენ ჩვენთან და ყველა იმას მიიღებს, რასაც იმსახურებს. თავაწეულებმა იარეთ, რადგან სასწაული და ღირსეული ბიჭები ხართ! ამას ღმერთი დაგვიფასებს. ყველა ერთად მივალთ იქამდე, რისთვისაც დავიწყეთ“, - დაწერა არაბიძემ.

შეგახსენებთ, საქართველო სლოვაკეთთან დრამატულ ბრძოლაში დამარცხდა და 41-ე წუთიდან კაცნაკლული თამაშობდა (ლუკა ლოჩოშვილი გააძევეს). გია ცეცაძის გუნდს ხუთი ტურის თავზე 6 ქულა აქვს, ხოლო მომდევნო მატჩს 26 მარტს შინ სწორედ სლოვაკების წინააღმდეგ ჩაატარებს.

0.118806