ფეხბურთი

18:42 | 15.11.2019 | ნანახია [] - ჯერ

გვარდიოლამ 114 გულშემატკივარი "სიტი" - "შახტარის" მატჩზე სპეციალური წერილით დაპატიჟა

„მანჩესტერ სიტის“ გულშემატკივრებმა ჩემპიონთა ლიგის პირველ ტურში, 18 სექტემბერს, „შახტართან“ მატჩში საყვარელი გუნდის მხარდასაჭერად ოთხი ათასი კილომეტრი გაიარეს და ხარკოვში ჩავიდნენ.

„სიტის“ 114 გულშემატკივარის საქციელი კი, პეპ გვარდიოლასთვის გმირობის ტოლფასი აღმოჩნდა და ესპანელმა მწვრთნელმა ყველას, ვინც უკრაინაში იმყოფებოდა წერილი მისწერა, რომლიდანაც ირკვევა, რომ ისინი იმავე „შახტართან“ საპასუხო შეხვედრაზე დაპატიჟა.

„ოთხშაბათს, 2019 წლის 18 სექტემბერს, შენ და 113 გულშემატკივარი წახვედით შორეულ მოგზაურობაში, რომ უკრაინაში „შახტართან“ ჩვენი თამაში გეხილათ და მინდა ეს შესაძლებლობა მადლობისთვის გამოიყენო. ჩვენ მოხარულები ვიყავით, რომ ჩემპიონთა ლიგაზე გზა გამარჯვებით დავიწყეთ. რთული მეტოქის წინააღმდეგ ვითამაშეთ, მაგრამ კარგად ვიასპარეზეთ, თამაშს ვაკონტროლებდით და მოგება დავიმსახურეთ. როგორც ყოველთვის ვამბობ, თქვენი მხარდაჭერისა და ჩვენი ქომაგების გარეშე ჩვენ არაფერს წარმოვადგენთ. მადლობის ნიშნად მინდა „შახტართან“ საპასუხო მატჩზე 2019 წლის 26 ნოემბერს დაგპატიჟოთ. ფეხბურთელებისა და სტაფის სახელით მინდა მადლობა გადაგიხადოთ წარმოუდგენელი მხარდაჭერისთვის“, - ნათქვამია გვარდიოლას წერილში.

0.151991