საქართველოს 17-წლამდე ნაკრებმა ევროპის 2020 წლის ჩემპიონატის შესარჩევ ეტაპზე პირველი მატჩი ჩაატარა და დამარცხდა.

პატარა ჯვაროსნები B ჯგუფის მატჩებს პორტუგალიაში მართავენ და სასტარტო შეხვედრაში უკრაინელ თანატოლებთან ვერაფერი გააწყვეს. შედეგად, 0:2 წააგეს. ორივე გოლი შესვენების შემდეგ გავიდა, ანგარიში ვოლოშინმა გახსნა, ხოლო საბოლოო შედეგი ოჩერეტკომ დააფიქსირა.

დღესვე ჩვენს ჯგუფში პორტუგალიამ ალბანეთი 4:0 გაანადგურა. მეორე ტურში კი, 16 ნოემბერს, სწორედ მასპინძელ პორტუგალიას შეხვდება.

საქართველო - უკრინა 0:2 (0:0)

გოლები: 0:1 ვოლოშინი (51), 0:2 ოჩერეტკო (76)

საქართველო (4-3-3): ასათიანი; ზოსიაშვილი (სიჭინავა 78), ხვადაგიანი, ავალიანი, ჩხეტიანი; გაგნიძე, ო. მამაგეიშვილი, გ. მამაგეიშვილი; გვიშიანი, თუთაშვილი (ტურაზაშვილი 67), აბუაშვილი