წლის შემაჯამებელ ტურნირზე ავსტრიელმა დომინიკ ტიმმა სერბი ნოვაკ ჯოკოვიჩი მძიმე ბრძოლაში 6:7, 6:3, 7:6 დაამარცხა. შეხვედრა 2 საათსა და 50 წუთს გაგრძელდა.
პირველი სეტი ტაი-ბრეიკზე სერბმა 7:5 მოიგო. მეორე პარტიაში ავსტრიელმა ერთი ბრეიკით იმარჯვა. გადამწყვეტ მესამე სეტში ტიმი ორჯერ ბრეიკით იგებდა, მაგრამ ჯოკოვიჩმა ორივეჯერ აღმოფხვრა ჩამორჩენა. ტაი-ბრეიკზე ნოვაკი 4:1-ს დაწინაურდა, თუმცა დომინიკმა ზედიზედ ხუთი ქულა მოიგო და ნახევარფინალში გავიდა.
ჯგუფიდან ვინ იქნება მეორე ნახევარფინალისტი, ეს ჯოკოვიჩი-ფედერერის მატჩში გაირკვევა. მატეო ბერეტინიმ ორი მარცხით შემდეგ ეტაპზე გასვლის შანსი დაკარგა.
1. | ტიმი | 2 | 2 | 0 | 4:1 | 2 | |
2. | ჯოკოვიჩი | 2 | 1 | 1 | 3:2 | 1 | |
3. | ფედერერი | 2 | 1 | 1 | 2:2 | 1 | |
4. | ბერეტინი | 2 | 0 | 2 | 0:4 | 0 |