კატალონიის „ბარსელონას“ „რივერ პლეიტის“ მთავარი მწვრთნელი მარსელო გალიარდო დაუკავშირეს. El Chiringuito-ს ინფორმაციით, კატალონურ გრანდში ერნესტო ვალვერდეს შემცვლელად არგენტინელ სპეციალისტს განიხილავენ.
გალიარდოს „რივერთან“ კონტრაქტი 2021 წლის დეკემბრამდე აკავშირებს, მაგრამ რეალური წინადადების შემთხვევაში „ბლაუგრანას“ მისი გადაბირება არ უნდა გაუჭირდეს.
როგორც გამოცემა წერს, მარსელოს მთავარი პროტეჟე მისი თანამემამულე ლიონელ მესია. სამხრეთ ამერიკელს გალიარდო ძალიან მოსწონს და გამოკითხვაში 2019 წლის საუკეთესო მწვრთნელადაც დაასახელა.
ჯერჯერობით მხოლოდ ვერსიებზეა საუბარი და მხარეებს შორის კონკრეტული მოლაპარაკებები არ გამართულა, თუმცა აშკარაა, რომ მარსელო გალიარდოს „რივერ პლეიტში“ ჩინებული მუშაობით ევროპული გუნდებისგან წინადადები მართლაც არ მოაკლდება.
