ლივერპულის „ევერტონის“ ნახევარმცველი ანდრე გომეშის ოპერაციამ წარმატებით ჩაიარა. როგორც ინგლისური გუნდის ვებგვერდი იტყობინება, მოტეხილ მარჯვენა კოჭზე პორტუგალიელის ქირურგიულმა ჩარევამ ძალიან კარგად ჩაიარა.
ფეხბურთელი სარეაბილიტაციო პერიოდს დაიწყებს, ხოლო ლაზარეთში ყოფნა 6-დან 12 თვემდე მოუწევს.
„ანდრეს სახელით გვინდა მადლობა გადავუხადოთ „ევერტონის“ ყველა გულშემატკივარს და იმ ადამიანებს, რომლებმაც გუშინდელი მატჩის შემდეგ შეტყობინებები გამოგვიგზავნეს“, - ნათქვამია კლუბის ოფიციალურ განცხადებაში.
შეგახსენებთ, რომ ანდრე გომეშმა ჰონ-მინ სონთან და სერჟ ორიესთან შეჯახების შემდეგ ფეხი მოიტეხა და უმძიმესი ტრავმა მიიღო.
