ლეგენდარული და ხელიხელსაგოგმანები ბრაზილიელი მოდელის, ადრიანა ლიმას ტრფიალება ვის არ ჩავარდნია გულში?! აბა რა გასაკვირია, რომ ამ ქალზე შეყვარებულთა შორის წარმატებული ადამიანებიც თუ იქნებოდნენ? მით უმეტეს, რომ ბრაზილთა ქვეყნის შვილნი ლამის მოვალედ რაცხდნენ თავს ლიმა შეყვარებოდათ.

ამასწინათ, ვეტერანმა ბრაზილიელმა მობურთალმა რიკარდო კაკამ აღიარა, რომ ჯერ კიდევ მაშინ, როდესაც ცოლად კაროლინ სელიკო ჰყავდა, უგონოდ იყო ადრიანა ლიმაზე შეყვარებული და თავს არ ზოგავდა ამ ქალის ყურადღების მისაპყრობად. თუმცა, ცოლიანი კაცის სტატუსმა მას ნამეტნავად შეუშალა ხელი მიზნის მიღწევაში.

კაკა იმასაც ამბობს, რომ ადრიანა ახლაც მთელს დუნიაზე გამორჩეულ სუპერ-ქალად მიაჩნია, მაგრამ ძველმა ვნებამ და სურვილებმა გადაუარა. თუმცა იმასაც დასძენს, რომ უარს არ იტყოდა ლიმას ქალთან მეგობრიბაზე, თუნდაც ეს მეგობრობა საწოლის ჭრაჭუნით არ დამთავრდებოდეს. მოდი და ენდე ახლა ასეთ კაცს...