ლიბერტადორესის თასის საპასუხო ნახევარფინალში, ლეგენდარულ „მარაკანას“ სტადიონზე, „ფლამენგომ“ „გრემიოს“ უმასპინძლა და 5:0 დაამარცხა.

ფლამენგოელებმა პირველი გოლის გატანა მხოლოდ 42-ე წუთზე შეძლეს. თავი ბრუნო ენრიკემ გამოიჩინა. შესვენების შემდეგ, მალევე გაბრიელმა მეორე ბურთი გაიტანა. 10 წუთში კი დუბლი გაიფორმა. შემდეგ მასპინძლებმა კიდევ ორჯერ დაამწუხრეს სტუმრები. თითო გოლი თავის ანგარიშზე მცველებმა, პაბლო მარიმ და როდრიგო კაიომ ჩაიწერეს.

ამათი პირველი შეხვედრა 1:1 დამთავრდა. ამისდაკვალად, ფინალში „ფლამენგო“ გავიდა, რომელიც 23 ნოემბერს, ჩილეს დედაქალაქ სანტიაგოში, არგენტინულ „რივერ პლეიტს“ შეხვდება.