ფეხბურთი

10:35 | 20.10.2019 | ნანახია [] - ჯერ

სუარესი "ბარსელონას" ბომბარდირთა სიაში მეოთხე ადგილზე გადავიდა

ურუგვაის ეროვნული ნაკრების თავდამსხმელი ლუის სუარესი "ბარსელონას" ყველა დროის საუკეთესო ბომბარდირთა სიაში მეოთხე ადგილზე გადავიდა. ინფორმაცია "ბარსელონას" ოფიციალური ვებგვერდი ავრცელებს.

სამხრეთამერიკელმა ლა ლიგის მე-9 ტურში "ეიბართან" სტუმრად მოგებულ (3:0) დაპირისპირებაში ერთი გოლი გაიტანა, "ბლაუგრანას" რიგებში 184-ედ გამოიჩინა თავი და ხოსეპ სამიტიერს გაუთანაბრდა, რომელიც "ბარსელონაში 1919-1932 წლებში თამაშობდა. ყველა დროის საუკეთესო მეგოლე ლიონელ მესია (605), მეორე ადგილზე სესარ როდრიგესია (232), ხოლო მესამეზე - ლადისლავ კუბალა (194).

სუარესი "ბარსელონაში" 2014 წელს "ლივერპულიდან" გადავიდა. აღნიშნული 184 გოლი სამხრეთამერიკელმა 256 მატჩში გაიტანა და ასევე 96 საგოლე გადაცემა აქვს შესრულებული. ეროვნულ ნაკრების მაისურით სუარესმა 111 მატჩი ჩაატარა და 58-ჯერ გამოიჩინა თავი.