ფეხბურთი

20:58 | 10.10.2019 | ნანახია [] - ჯერ

ისტორიული დღე ირანში - 14:0 და ქალები სტადიონზე!

40 წლის შემდეგ ირანში ქალებმა საფეხბურთო მატჩზე დასწრება მოახერხეს. ეს ისტორიული ფაქტი დღეს, თეირანში მოხდა, სადაც ირანის ნაკრებმა მსოფლიოს ჩემპიონატის საკვალიფიკაციო ეტაპის ეგიდით კამბოჯას უმასპინძლა.

შეხვედრა რამდენიმე ათასი ირანელი ქალბატონი დაესწრო, თუმცა უნდა ვთქვათ, რომ ისინი ცალკე სექტორში იყვნენ განთავსებულნი, სადაც მხოლოდ სუსტი სქესის წარმომადგენლები ისხდნენ.

„ეს არის ძალიან პოზიტიური და წინ გადადგმული ნაბიჯი, რომელსაც ფიფა და განსაკუთრებით ირანელი გოგონები, ქალები მოუთმენლად ელოდნენ. დღეს მათ აჩვენეს ვნება, სიხარული და ენთუზიაზმი, რაც გვანახებს, რომ ჩვენს მიერ დაწყებული გზა უნდა გავაგრძელოთ. ისტორია გვასწავლის, რომ პროგრესი ეტაპობრივად მოდის და ეს მხოლოდ მოგზაურობის დასაწყისია. ახლა გაჩერება და უკან დაბრუნება არ შეიძლება. მადლობას ვუხდით ირანის ფეხბურთის ფედერაციას და აზიური ფეხბურთის მმართველ უწყებას, ხელისუფლების წარმომადგენლებს. თუმცა, უპირველეს ყოვლისა ძალიან დიდი მადლობა მინდა ვუთხრა ირანელ ქალბატონებს, რომლებიც გაბედულად იდგნენ თავიანთი უფლებებისთვის“, - თქვა ფიფას პრეზიდენტმა ჯანი ინფანტინომ.

სხვათა შორის, ირანში სტადიონზე ქალების დაბრუნება ფეხბედნიერი გამოდგა და მასპინძლებმა კამბოჯის ნაკრები არასაფეხბურთო ანგარიშით, 14:0 დაამარცხეს.

თეგებიირანი
0.123551