ფეხბურთი

16:46 | 10.10.2019 | ნანახია [] - ჯერ

გვარდიოლას "სიტიში" ხელშეუხებელი ფეხბურთელი ჰყავს: "ნამდვილი ჯადოქარია, 500 მილიონადაც არ გავყიდით"

ფილ ფოდენი პეპ გვარდიოლასთვის „მანჩესტერ სიტიში“ ერთადერთი ხელშეუხებელი ფეხბურთელია. ესპანელმა სპეციალისტმა განაცხადა, რომ ინგლისელ ნახევარმცველს 500 მილიონი ევროს სანაცვლოდაც არ შეელევა.

„მისთვის ახალი კონტრაქტი შემთხვევით არ შეგვითავაზებია. „მანჩესტერ სიტიში“ ის ერთადერთი ფეხბურთელია, რომლის გაყიდვა ნებისმიერ გარემოებებში გამორიცხულია, თუნდაც 500 მილიონი ევრო შემგვთავაზონ. ფილი არსად მიდის, ფილი არის „მანჩესტერ სიტი“.

როდესაც დავიდ სილვა დაგვტოვებს, ჩვენ ზუსტად ვიცით ვინ იქნება ახალი ჯადოქარი. ჩვენთან გაიზარდა და ბრწყინვალე გზა ელოდება. ერთი რამ ცხადია: ფოდენის ადგილი პირველ გუნდშია“, - თქვა გვარდიოლამ.

ესპანელმა 19 წლის ფეხბურთელი აქამდეც არაერთხელ შეაქო და თქვა, რომ ასეთ ნიჭიერი მოთამაშე არსად უნახავს. ფილ ფოდენი „სიტის“ აკადემიის აღზრდილია და მთავარ გუნდში მიმდინარე სეზონში 3 მატჩში 1 გოლი გაიტანა. მთლიანობაში კი, 2017 წლიდან დღემდე 39 შეხვედრაში თავი 8-ჯერ გამოიჩინა.

0.130667