2019-20 წლების შინაური სახელბურთო სეზონი ამ უქმეებზე დაიწყო გლდანის ხელბურთის აკადემიასა და სენაკის სპორტის სასახლეში, სადაც საქართველოს ჩემპიონატის პირველი მატჩები გამართეს უფროსი ასაკის, 2004-05 წლებში დაბადებულმა გოგონებმა.

სულ მონაწილეობს 13 გუნდი, რომლებიც ერთმანეთში ორ წრედ ითამაშებენ და სეზონის ბოლოს 24-24 მატჩი დაუგროვდებათ. პირველი წრე 2019 წელს დასრულდება - აღმოსავლეთის 6 და დასავლეთის 7 გუნდი ჯერ ერთმანეთში ითამაშებს და 21 ნოემბრიდან თბილისში გამართავს ჯვარედინ ტურს - სულ ორ თვეში გოგონებს 9 სათამაშო დღე და 12 მატჩი ექნებათ.

გლდანში, შაბათს, მოგებით გასხნა სეზონი ამ ასაკობრივი კატეგორიის შარშანდელმა ჩემპიონმა ყვარელმა, რომელმაც 31-19 დაამარცხა ბრინჯაოს პრიზიორი მამული. ლიდერობს თბილისის ქარიშხალა, რომელმაც ორი მატჩი მოიგო, ერთი მოგება თბილისის პეგასის ანგარიშზეა.

სენაკში, წინა პირველობის ვერცხლის პრიზიორმა, სამტრედიამ 27-14 დაამარცხა წყალტუბო. თითო მოგება აქვთ ტყიბულის, ბათუმისა და ფოთის გუნდებს, ხოლო შეჯიბრების დებიუტანტი, ქუთაისი გოგონათა გუნდი ასპარეზობაში მომდევნო სათამაშო დღეს, 13 ოქტომბერს უნდა ჩაებას.

ამ ასაკის, 2004-05 წლებში დაბადებულ გოგონებს სეზონის ბოლოს, 2020 წლის ივლისში ევროპის ჩემპიონატი უწევთ გეტებორგში, შვედეთი. უმცროსი ასაკობრივი კატეგორიის, 2006-07 წლებში დაბადებულთა საქართველოს ჩემპიონატი 19 ოქტომბერს იწყება და მასში 16 გუნდმა უნდა ითამაშოს. გარდა ამისა, 23 ოქტომბერს დაიწყება ქალთა ეროვნული ჩემპიონატი 8 გუნდის მონაწილეობით.

ორ ანალოგიურ ასაკობრივ კატეგორიაში გაიმართება ჭაბუკთა ჩემპიონატიც, ეროვნული ჩემპიონატის უმაღლესი ლიგა დაიწყება ნოემბერში, ხოლო მომდევნო კვირაში, 14 ოქტომბრიდან, დაიწყება საქართველოს თასის გათამაშება კაცთა გუნდებს შორის.

ხელბურთი. საქართველოს ჩემპიონატი 2019-20

გოგონები, უფროსი ასაკი (2004-05)

5 ოქტომბერი, გლდანი

თელავი - ქარიშხალა 18-23

პეგასი-გორი 26-17

ყვარელი - მამული 31-19

ქარიშხალა - გორი 24-17

მსაჯები: თ. კევლიშვილი-ნ. კევლიშვილი, ი. ჭკუასელი-თ. ბჟალავა

6 ოქტომბერი, სენაკი

აჭარა - BSB ბათუმი 10-17

სამტრედია - წყალტუბო 27-14

აჭარა - ტყიბული 8-28

ფოთი - BSB ბათუმი 20-19

მსაჯები: ნ. კევლიშვილი, ი. ჭკუასელი, შ. სტურუა. დელეგატი: ლ. მარგიანი

--------------------თ---მ---ფ---წ-------ბ-----ქ

ქარიშხალა-----2---2---0---0---47-35---4

ტყიბული------1---1---0---0----28-8---2

სამტრედია----1---1---0---0---27-14---2

ყვარელი-------1---1---0---0---31-19---2

პეგასი----------1---1---0---0---26-17---2

ბათუმი--------2---1---0---1---36-30---2

ფოთი----------1---1---0---0---20-19---2

თელავი--------1---0---0---1---18-23---0

მამული--------1---0---0---1---19-31---0

წყალტუბო----1---0---0---1---14-27---0

გორი-----------2---0---0---2---34-50---0

აჭარა-----------2---0---0---2---18-45---0

ქუთაისი-------0---0---0---0-----0-0---0

გაგრძელდება 12-13 ოქტომბერს

1 წრის სათამაშო დღეები:

გლდანი: 12, 26 ოქტომბერი, 9 ნოემბერი

სენაკი: 13, 27 ოქტომბერი, 10 ნოემბერი

საერთო ტური: 21-25 ნოემბერი, გლდანი