ინგლისის ნაკრების ყოფილმა ვარსკვლავმა, მაიკლ ოუენმა, „ალკმაართან“ ევროპა ლიგის ჯგუფური ეტაპის მეორე ტურის მატჩის შემდეგ (0:0), ჟურნალისტებს უთხრა, რომ ახლა დანამდვილებით შეიძლება ითქვას, რომ „მანჩესტერ იუნაიტედი“ ერთ საშუალო გუნდად გადაიქცა.

„მიმძიმს ამის თქმა, მაგრამ დავრწმუნდი, რომ „მანჩესტერ იუნაიტედი“ ერთ საშუალო გუნდად გადაიქცა. მგონია, რომ პრემიერლიგაშიც, მიმდინარე სეზონში ისინი საუკეთესო ექვსეულშიც ვერ მოხვდებიან. დიახ, ისინი ცხრილის ზედა ნაწილში იქნებიან, თუმცა უკვე ასეთი პროგნოზები შეშფოთებას იწვევს, არა?

ეს, ალბათ ყველაზე სუსტი „მანჩესტერია“ ბოლო ათწლეულის განმავლობაში. მას შემდეგ, რაც სერ ალექს ფერგიუსონი ხელმძღვანელობდა გუნდს. ხუთი, ექვსი, შვიდი, რვა წლის მანძილზე ვფიქრობდით, უარესი რაღა უნდა იყოსო, მაგრამ სულ უკან-უკან მივდიოდით.

მინდა აღვნიშნო, რომ სულშერმა ბევრ ასპექტში განგებ დაასუსტა გუნდი. გაუშვა ლუკაკუ, ერერა, დარმიანი, სანჩესი, სმოლინგი. მან იცის, რომ ამ მოთამაშეებს შეეძლოთ მნიშვნელოვნად გაეძლიერებინათ გუნდი. ვფიქრობ, რამდენიმე ნაბიჯს დგამს უკან, რათა შემდეგ წინ წავიდეს. ის ნულიდან იწყებს საქმეს.“ - უთხრა ოუენმა Goal-ს.