მსოფლიოს ნომერ პირველმა ჩოგბურთელმა სერბმა ნოვაკ ჯოკოვჩიმა ამერიკის ღია პირველობის შემდეგ, სადაც ტრავმა მიიღო, პირველი შეხვედრა ჩაატარა.

ტოკიოს ტურნირის პირველ წრეში ნოვაკმა ავსტრალიელი ალექსეი პოპირინი 6:4, 6:2 დაამარცხა. შეხვედრა საათსა და 25 წუთს გაგრძელდა. პირველ სეტში 4:4-ზე ნოვაკმა ბრეიკი შეასრულა და დაწინაურდა. მეორე პარტიაში კი ავსტრალიელი უშანსოდ იყო. ალექსეის მატჩში ერთი ბრეიკ-პოინტიც კი არ ჰქონია, ნოლემ კი 12-დან სამი ბრეიკი გაახერხა.

ტურნირის 1/8-ფინალში სერბი, იაპონელ მსოფლიო რეიტინგის 135-ე ნომერს, სოედას დაუპირისპირდება, მატჩი 2 ოქტომბერს გაიმართება.

ამავე ტურნირზე ჯოკოვიჩმა წყვილთა თანრიგში იასპარეზა, სადაც ფილიპ კრაიანოვიჩთან ერთად პავიჩი-სოარსესის დუეტთან 2:6, 6:4, 4:10 დამარცხდა.