ტაილანდის ქალაქ პატაიაში ძალოსანთა მსოფლიო ჩემპიონატმა აიღო სტარტი და შეჯიბრების პირველ დღეს ფიცარნაგზე ორი ქართველი შოთა მიშველიძე და გოდერძი ბერდელიძე გავიდნენ.
ბერდელიძემ ორჭიდის ჯამში 277 კგ დააფიქსირა და მე-12 ადგილი დაიკავა, ხოლო მიშველიძე უკეთესად გაისარჯა და ორჭიდის შედეგებით 287 კგ დაძლია, რაც მე-7 ადგილის დასაკავებლად იყო საკმარისი.
მიშველიძემ ატაცში თავდაპირველად 130 კგ დაძლია, მეორე ცდა ჩაუვარდა, მესამე ცდაზე კი 135 კგ-ს გაუმკლავდა, რითაც ატაცში მე-4 ადგილი დაიკავა და მცირე ბრინჯაომდე ერთი ნაბიჯი დააკლდა.
აკვრაში ჩვენებურმა თავდაპირველად შეკვეთილი 152 კგ-იანი შტანგა ასწია, მაგრამ შემდეგ 160 და 163 კგ-ებს ვერ გაუმკლავდა და უშუალოდ აკვრაში მე-16 შედეგი აჩვენა.
აქვე გეტყვით, რომ ხვალ მსოფლიო ჩემპიონატზე 67 კგ წონით კატეგორიაში მოასპარეზე გოგა ჩხეიძე გავა, რომელიც ძალებს B ჯგუფში მოსინჯავს.
