ავტოსპორტი

22:12 | 11.09.2019 | ნანახია [] - ჯერ

მიხაელ შუმახერს პარიზში, ღეროვანი უჯრედებით მკურნალობენ

როგორც ფრანგული გამოცემა „პარისიენი“ იტყობინება, ფორმულა 1-ის შვიდგზის ჩემპიონი მიხაელ შუმახერი, ორშაბათ საღამოს პარიზის ჟორჟ პომპიდუს სახელობის კლინაკაში გადაიყვანეს, სადაც გულ-სისხლძარღვთა ქირურგიის განყოფილებაში, ღეროვანი უჯრედების გადანერგვით მკურნალობის კურსი ჩაუტარდება.

გამოცემა ასევე გვაუწყებს, რომ ამავე კლინიკაში შუმახერი შარშან ორჯერ, ვერტმფრენით გადაიყვანეს, ამჯერად კი ტრანსპორტირება ავტომობილით მოხდა. შუმახერს თან ახლავს მისი სამედიცინო მრჩეველი და ოჯახის მეგობარი, პროფესორი ჟერარ სელანი. „პარისიენის“ ინფორმაციით, მკურნალობის კურსი მკაცრად გასაიდუმლოებულ ვითარებაში ჩატარდება. ამის გამო, განყოფილება მკაცრად კონტროლდბა, რათა იქ უცხო პირებმა შეღწევა ვერ შეძლონ.

მკურნალობა პროფესორ ფილიპ მენაშეს მიერ შემუშავებული მეთოდით ტარდება, რომლითაც გულის უკმარისობის მქონე პაციენტებს მკურნალობენ. ამ დროს, გულის დაზიანებულ ნაწილებს, ემბრიონული ღეროვანი უჯრედების გადანერგვით აღადგენენ. როგორც „პარისიენს“ კლინიკის ერთ-ერთმა მედდამ განუცხადა, შუმახერს ცნობიერება დაბრუნებული აქვს.

იმავე „პარისიენის“ ინფორმაციით, შუმახერი სამშაბათს მისმა მეგობარმა, საერთაშორისო საავტომობილო ფედერაციის პრეზიდენტმა ჟან ტოდტმა მოინახულა, რომელმაც კლინიკაში 45 წუთი დაჰყო.

0.146381