ზაზა ფაჩულიას მეუღლემ თიკა ალავიძემ სოციალური ქსელის მეშვეობით საქართველოს კალათბურთის ფედერაცია გააკრიტიკა და ღია წერილით მიმართა.
"ძალიან დიდხანს ვიკავებდი თავს დამეწერა თუ არა, მაგრამ ამის არ დაწერა მომავალი თაობების წინაშე დანაშაულია და მხოლოდ და მხოლოდ ამიტომ ვწერ.
როგორ უნდა უთხრათ ახალგაზრდებს ჩამოვიდნენ ნაკრებში, გადადონ თავი წლების განმავლობაში ქართული კალათბურთისთვის, როცა მადლობასაც არავინ გადაუხდის კი არა და ინფორმაციის სახითაც არ დაწერენ არაფერს და ისე გაატარებენ, გეგონება ასობით მოთამაშე გყავდეთ NBA ში 16 წელი და ვერ იგებდეთ ვინ მიდის და ვინ მოდის!
უბრალოდ სირცხცილია და მე შემრცხვებოდა თქვეს ადგილას.
შეიძლება თქვენ ამოშალეთ ზაზა, მაგრამ თქვენი პირადი ინტერესები მეათე ხარისხოვანია და მოდი ხალხმა შეაფასოს წლების მერე" - დაწერა ფეისბუქში თიკა ალავიძე ფაჩულიამ.
შეგახსენებთ, რომ საქართველოს ნაკრების ყოფილმა კაპიტანმა კარიერა რამდენიმე დღის წინ ოფიციალურად დაასრულა, თუმცა ფედერაციას ამის შესახებ არანაირი განცხადება არ გაუკეთებია.
