ვეტერანმა ინგლისელმა მობურთალმა მაიკლ ოუენმა ცოტა ხნის წინ თავისი პირველი ავტობიოგრაფიული წიგნი გამოსცა და ეს წიგნი უკვე სუპერ-სკანდალურად შეირაცხა. ამის უმთავრესი მიზეზი კი ისაა, რომ ოუენმა ინგლისის საფეხბურთო ნაკრების ყოფილ მწვრთნელზე ისეთები წერა, ყურში რომ არ შეიშვება.
საუბარია ინგლისელთა იტალიელ ოდინდელ მესაჭეზე, ფაბიო კაპელოზე, რომელიც როგორც ცნობილია მაიკლ ოუენს თავიდანვე არ სწყალობდა და სულ ერთხელ ანდო მას ნაკრების ძირითად შემადგენლობაში ადგილი. ჰოდა აი ოუენსაც მიეცა შანსი სათანადო “პატივი“ მიეგო მისთვის ესოდენ საძულველი აპენინელისთვის.
საკუთარი წიგნში ოუენი კაპელოს გიჟს, არაპროფესიონალს, ბოღმიანს და საზიზღარ ადამიანს ეძახის. იგი ამბობს, რომ ფაბიოსთანა ხალხს საერთოდ უნდა ეკრძალებოდეს მწვრთნელობა. ეს სიტყვები წიგნის გამოსვლის შემდეგ ოუენმა ჟურნალისტებთან საუბარშიც გაიმეორა და ისიც დასძინა, რომ კაპელოს გინებით მთელი ცხოვრება არ დაიღლება. გამწარებული კაციც ამას ქვია!
