ფეხბურთი

23:18 | 4.09.2019 | ნანახია [] - ჯერ

ემრე ჯანი: "ჩემთვის ეს შოკი იყო, ხელმძღვანელობამ დაპირება არ შეასრულა და ეს რომ მცოდნოდა, გუნდს დავტოვებდი"

ტურინის „იუვენტუსის“ ნახევარმცველი ემრე ჯანი განაწყენებული დარჩა სამწვრთნელო შტაბის გადაწყვეტილებით, რომელმაც ჩემპიონთა ლიგის განაცხადში არ შეიყვანა.

გერმანელის განცხადებით, კლუბის ხელმძღვანელობა მას საპირისპირო რამეს დაპირდა და ეს რომ სცოდნოდა, გუნდს დატოვებდა.

„შოკირებული ვარ. კლუბის ხელმძღვანელებისგან ერთი კვირის წინ მივიღე დაპირება, რომ ჩემპიონთა ლიგის განაცხადში ვიქნებოდი, მაგრამ გუშინ მწვრთნელმა დამირეკა და წუთზე ნაკლებ დროში მითხრა, რომ განაცხადში არ ვიყავი, ყოველგვარი ახსნა-განმარტების გარეშე.

მეგონა, რომ ყველაფერი კარგად იყო, მაგრამ სატრანსფერო ფანჯრის დახურვიდან ერთი დღის შემდეგ აღმოჩნდა, რომ ასე არაა. სანაკრებო შეკრების დასრულების შემდეგ ხელმძღვანელობას დაველაპარაკები, რადგან ჩემპიონთა ლიგაზე თამაში მინდა.

ეს რომ მცოდნოდა, გუნდს დავტოვებდი, იმედგაცრუებული ვარ. მოლაპარაკებებს სხვა გუნდებთან, მათ შორის პსჟ-თან ვმართავდი, მაგრამ დაპირების საფუძველზე დარჩენა გადავწყვიტე“, - თქვა ემრემ გერმანულ მედიასთან.

ამ განცხადებიდან ცოტა ხანში კი ტვიტერში საპირისპირო განცხადება გამაოქვეყნა დასძინა, რომ მოედანზე ბრძოლას გააგრძელებს:

ყოველთვის მადლიერი ვიქნები კლუბის, რადგან როდესაც ტრავმა მქონდა გვერდში დამიდგა და მხარდაჭერა გამომიცხადა. „იუვენტუსისა“ და ჩემი თანაგუნდელების პატივისცემის გამო, რომელთა წარმატება ჩემი პრიორიტეტია, ამ თემაზე აღარ ვისაუბრებ და ბრძოლას მოედანზე გავაგრძელებ“, - დაწერა ემრემ.

სტატისტიკა
0.231866