ფეხბურთი

20:33 | 2.09.2019 | ნანახია [] - ჯერ

ოფიციალურად: "რეალმა" და პსჟ-მ მეკარეები გაცვალეს

მადრიდის „რეალმა“ და „პარი სენ ჟერმენმა“ მეკარეები გაცვალეს. როგორც ორივე გუნდის ვებგვერდი იტყობინება, კეილორ ნავასი პსჟ-ში გადავიდა, ხოლო ალფონს არეოლა - „რეალში“.

ფრანგი მეკარე „სამეფო კლუბში“ 2020 წლის 30 ივნისამდე იჯარით ითამაშებს, თუმცა ესპანელებს მისი გამოსყიდვის უფლება არ ექნება. კეილორ ნავასი კი თავის მხრივ პარიზში სრულფასოვანი კონტრაქტით გადავიდა.

ალფონს არეოლა პსჟ-ს აღზრდილია, მაგრამ იჯარით „ლანსში“, „ბასტიასა“ და „ვილიარეალში“ უთამაშია. გასულ სეზონში კი პარიზელთა რიგებში 31 თამაში ჩაატარა.

რაც შეეხება კოსტარიკელ ნავასს, „რეალში“ 2014 წელს „ლევანტედან“ აღმოჩნდა და სამჯერ მოიგო ჩემპიონთა ლიგა, თანაც ძირითი შემადგენლობის წევრის სტატუსით. მაგრამ ტიბო კურტუას ტრანსფერის შემდეგ 32 წლის კიპერს სათამაშო დრო მკვეთრად შეეზღუდა.

0.14468