ფეხბურთი

17:36 | 31.08.2019 | ნანახია [] - ჯერ

„მანჩესტერმა“ „საუთჰემპტონს“ ვერ მოუგო

ინგლისური პრემიერლიგის მე-4 ტურის გამხსნელ მატჩში, „მანჩესტერ იუნაიტედი“ „საუთჰემპტონს“ეწვია და 1:1 ითამაშა.

სტუმებმა ანგარიში მალევე გასნეს, მე-10 წუთზე. წინა ტურის არ იყოს, თავი ისევ დენიელ ჯეიმსმა გამოიჩინა. სკოტ მაკტომინეისგან მიღო ბურთი საჯარიმოსთან და შორეულ „ცხრიანში“ ულამაზესი გოლი გაიტანა. შეგახსენებთ, ძალიან ლამაზი ბურთი შეაგდო ჯეიმსმა წინა ტურში „კრისტალ პალასთანაც.“

სტუმრები შემდეგაც აკონტროლებდნენ ბურთს, მაგრამ თავი ვეღარაფრით გამოიჩინეს. მასპიძლებმა კი თავისი შანსი ხელიდან არ გაუშვეს. 58-ე წუთზე ანგარიში იანიკ ვესტერგორმა გაათანაბრა.

73-ე წუთზე საუთჰემპტონელები კაცნაკლულნი დარჩნენ. მსაჯმა, მაიკ დინმა, ავსტრიელ კევინ დანსოს მეორე ყვითელი ბარათი უჩვენა და მინდვრიდან დაითხოვა.

4 ტურის შემდეგ, „მანჩესტერ იუნაიტედმა“ 5 ქულა მოაგროვა და მეოთხე ადგილზე დგას. „საუთჰემპტონი“ კი 4 ქულით მე-13 ადგილზეა. თუმცა, კონკურენტებს ჯერ არ უთამაშიათ.

სტატისტიკა
0.26344