პოლონეთის ეროვნული ნაკრების თავდამსხმელმა რობერტ ლევანდოვსკიმ "ბაიერნთან" კონტრაქტი ორი წლით გაახანგრძლივა და გუნდში 2023 წლის ივლისამდე დარჩება. აღნიშნული ინფორმაცია მიუნხენური კლუბის ოფიციალურმა ვებგვერდმა გაავრცელა.

ლევანდოვსკი "ბაიერნში" 2014 წელს "დორტმუნდიდან" თავისუფალი აგენტის სტატუსით გადავიდა. მას შემდეგ პოლონელმა თავდამსხმელმა 247 მატჩი ჩაატარა, გაიტანა 197 გოლი და 47 საგოლე გადაცემა შეასრულა. პოლონეთის ნაკრებში რობერტმა 106 შეხვედრაში თავი 57-ჯერ გამოიჩინა.