არგენტინული „რივერ პლეიტის“ ნახევარმცველმა, ლუკას მარტინესმა, შესაძლოა, მალე იტალიური „მილანის“ მაისურა მოირგოს, თუკი მოლაპარაკებები წარმატებით დასრულდება. მთავარი პრობლემა ფინანსებია.

ბუენოსაირესული კლუბი მარტინესში 22 მილიონ ევროს ითხოვს - გვამცნობს TyC Sports.

„მილანს“ შემადგენლობის გაძლიერება სურს, რათა ჩემპიონთა ლიგის საგზურისთვის იბრძოლოს. სატრანსფერო ფანჯარა კი 2 სექტემბერს იხურება.

23 წლის მარტინესი „რივერ პლეიტის“ აღზრდილია. ძირითად გუნდში კი 2016 წლიდან თამაშობს.