ავტოსპორტი

15:27 | 22.08.2019 | ნანახია [] - ჯერ

ფორმულა 1 მექსიკაში კიდევ სამი წლით დარჩება

მექსიკის დიდი პრიზი ფორმულა 1-ის მსოფლიო ჩემპიონატის კალენდარში, სულ ცოტა სამი წლით დარჩა. ეს რბოლა კალენდარში 23-წლიანი პაუზის შემდეგ, 2015 წელს დაბრუნდა და მას შემდეგ გამართულ ოთხ რბოლას, 1.3 მილიონი ადამიანი დაესწრო. მაგრამ ბოლო მომენტამდე, მისი ბედ გაურკვეველი იყო.

კალენდარში მექსიკის ეტაპის დატოვება კიდევ ერთი ნაბიჯია 22-რბოლიანი კალენდრისკენ, რომელიც მომავალ სეზონში არის მოსალოდნელი. ახალი რბოლები ვიატნამსა და ჰოლანდიაში უნდა ჩატარდეს. გერმანია ადგილს კარგავს, ესპანთი კი კონტრაქტს ალბათ მალე გააგრძელებს და ამ შემთხვევაში, სწორედ 22 რბოლა დაგროვდება.

„ჩემპიონატში 2015 წელს დაბრუნებისთანავე, ეს რბოლა ძალიან პოპულარული იყო არამხოლოდ მექსიკაში, არამედ მთელს მსოფლიოშიც. ამის დასტურია თუნდაც ის ფაქტი, რომ რბოლის პრომოუტერმა, საუკეთესო ეტაპის ორგანიზებისთვის, FIA-ს მიერ დაწესებული პრიზი, ზედიზედ ოთხჯერ დაიმსახურა“, - ამბობს ფ1-ის მთავარი აღმასრულებელი ჩიზ კერი.

მექსიკური ეტაპის მომავალი კითხვის ნიშნის ქვეშ მას შემდეგ დადგა, რაც მექსიკის მთავრობამ, მისი დაფინანსება გადაიფიქრა. მექსიკო სიტის მერმა კლაუდია შეინბაუმმა განაცხადა, რომ რბოლას მთავრობა აღარ დააფინანსებს, მაგრამ იმედი გამოთქვა, რომ კერძო ინვესტუიციების წყალობით, ბილეთების ფასი არ გაძვირდება.

0.140877