ფეხბურთი

9:49 | 15.08.2019 | ნანახია [] - ჯერ

ზიდანი მანეს ტრანსფერის თაობაზე ესაუბრა, თუმცა...

მადრიდის „რეალის“ მთავარი მწვრთნელი, ზინედინ ზიდანი, „ლივერპულის“ შემტევ სადიო მანეს დაუკავშირდა და თითქოს დაითანხმა „სამეფო კლუბში“ გადასვლაზე, თუმცა ვითარებას მადრიდელთა პრეზიდენტის, ფლორენტინო პერესის პოზიცია ართულებს - წერს Soccer Link.

პერესს მიაჩნია, რომ როდრიგოსა და აზარის ტრანსფერების შემდეგ, ამ ეტაპზე მათ მანე არ სჭირდებათ. „ლივერპულსაც“ არ აქვს სურვილი სენეგალელ ვარსკვლავთან განშორებისა.

მანემ ევროპული კარიერა ფრანგულ „მეცში“ დაიწყო 2010 წელს. ორი წლის შემდეგ ზალცბურგის „რედ ბულში“ გადაბარგდა. შემდეგ ერთ ხანს „საუთჰემპტონში“ ითამაშა და 2016 წელს „ლივერპულში“ აღმოჩნდა.

მერსისაიდელებთან ერთად, მანემ გასულ სეზონში ჩემპიონთა ლიგა მოიგო. წუხელ კი უეფას სუპერთასს დაეუფლა. თან „ჩელსისთან“ მატჩის ერთ-ერთი გმირი გახდა - დუბლი მიითვალა.

0.119321