სხვა

16:51 | 12.08.2019 | ნანახია [] - ჯერ

ტოკიო-2020-ის ათლეტები წყლის მდგომარეობით და მისი ტემპერატურით უკმაყოფილონი არიან

ტოკიო-2020-ის ოლიმპიური და პარალიმპური თამაშების ორგანიზატორებმა ოდაიბას საწყლოსნო პარკში, სადაც გაისად ღია წყალში მოცურავეთა ასპარეზობები გაიმართება, წყლის ხარისხის შესამოწმებლად სატესტო გაცურვა ჩაატარეს.

მარათონული გაცურვის მონაწილეებმა, რაც ოლიმპიური დისტანციის ნახევარს - 5 კილომეტრზე ცურვას ითვალისწინებდა, სტარტი 19 საათზე აიღეს. ამ დროს ტოკიოში ტემპერატურა 30 გრადუსს აჭარბებდა.

FINA-ს წესებით, შეჯიბრება არ გაიმართება, თუ წყლის ტემპერატურა ცელსიუსით 31 გრადუსს აჭარბებს.

აღსანიშნავია, რომ ოდაიბას საწყლოსნო პარკი ოლიმპიურ თამაშებზე უმასპინძლებს ტრიატლონში მოცურავეთა შეჯიბრებასაც.

წყლის ხარისხის საკითხის წამოწევა განაპირობა 2017 წელს აღებულმა წყლის სინჯებმა, რომლის მიხედვითაც წყალში ნაწლავის ჩხირების ოდენობა 20-ჯერ აჭარბებდა დასაშვებ ნორმას.

საწყლოსნო სახეობათა საერთაშორისო ფედერაციის (FINA) ოფიციალურმა პირებმა პირობა დადეს, რომ ტოკიოში წყლის ხარისხს მონიტორინგს გაუწევენ.

FINA-ს აღმასრულებელი დირექტორის კორნელ მარკულესკუს განცხადებით, ოლიმპიურ თამაშებზე სასტარტო დრომ ასევე შესაძლოა უკან გადაიწიოს. მისი თქმით, ყველაფერი წყლის ტემპერატურაზე იქნება დამოკიდებული.

www.geonoc.org.ge

0.128215