სხვა

19:43 | 10.08.2019 | ნანახია [] - ჯერ

ტოკიო-2020-ის საქველმოქმედო ესტაფეტაში 1700-ზე მეტმა მონაწილემ ირბინა

ტოკიოდან 2011 წლის ცუნამის შედეგად დაზარალებულ რეგიონამდე, 1000-კილომეტრიან მონაკვეთზე, შემოწირულობების შესაგროვებლად 1700-ზე მეტმა მონაწილემ ირბინა. ესტაფეტის მიზანი იყო 2011 წლის სტიქიის შედეგად ყველაზე მეტად დაზარალებული პრეფექტურების (აომორი, ივატე, მიიაგი, ფუკუშიმა, იბარაკი, ჩიბა) მხარდაჭერა.

საქველმოქმედო ესტაფეტაში - „გზა ხვალინდელი დღისკენ" სხვა მრავალთა შორის მონაწილეობდნენ მარათონში სიდნეის ოლიმპიური თამაშების ჩემპიონი ნაომი ტაკაჰაში და პარალიმპიელი სიგრძეზე მხტომელი ატსუში იამამოტო. ისინი ესტაფეტას დასკვნით 1,6-კილომეტრიან მონაკვეთზე შეუერთდნენ, რომელიც დასრულდა 2020 წლის ოლიმპიური და პარალიმპური თამაშებისთვის მოწყობილ კომაზავას ოლიმპიურ პარკთან (ტოკიოში ოლიმპიური ჩირაღდნის ორკვირიანი ესტაფეტა სწორედ კომაზავას ოლიმპიური პარკიდან დაიწყება).

საქველმოქმედო გარბენმა სტარტი აიღო 24 ივლისს - 2020 წლის ტოკიოს ოლიმპიურ თამაშებამდე ზუსტად ერთი წლით ადრე.

geonoc.org.ge

0.106772