ლეგენდარული იამაიკელი მორბენალის, უსაინ ბოლტის პირადი ცხოვრების შესახებ ბულვარულ მედიას მუდამ ინფორმაციის სიმწირე ჰქონდა. ამის მიზეზი სახელდობრ უსაინის არცთუ “ბრჭყვიალა“ ცხოვრებაა და ყველამ კარგად უწყოდა, რომ სკანდალმრავლობა ამ კაცისთვის სულაც არ იყო არსებობის კრედო.
თუმცა მას შემდეგ, რაც შარშან უსაინმა თავის თანემამემულე გულისსწორზე, მსახიობ კეისი ბენეტიზე იქორწინა, “ყვითელ“ მოკლამეებსაც მიეცათ საწერი და ახლა იამაიკაში ამვლელი თუ ჩამოვლელი - ყველა იმას გვამცნობს, რომ ბოლტი ოჯახური თანაცხოვრებით ფრიად კმაყოფილია.
აქვე უნდა ვთქვათ ისიც, რომ უსაინ ბოლტი და კეისი ბენეტი ერთმანეთს სამი წლის მანძილზე ხვდებოდნენ და თანაცხოვრებაც სწორედ სამი წლის წინ დაიწყეს. თუმცა, ქორწინება 2018 წელს მოხდა და მხოლოდ ამის შემდეგ “გარისკა“ ბოლტმა საკუთარი ოჯახის შესახებ საჯარო კომენტარების კეთება.
