თამაშგარე

10:17 | 7.08.2019 | ნანახია [] - ჯერ

თბილისის “დინამო“ ჰოლანდიელი “ამორძალების“ წინააღმდეგ

როგორც იცით ხვალ თბილისის “დინამო“ როტერდამის “ფეინოორდს“ ხვდება და ისტორიის ხელახლა დაწერას შეეცდება. თუმცა, ჩვენი რუბრიკისათვის საკუთრივ მატჩზე მეტად საინტერესო ისაა, რომ როტერდამული კლუბი ქალი ქომაგების სიმრავლის მხრივ თურმე მთელს ჰოლანდიაში უპირველესი ყოფილა.

სტატისტიკას თუ დავუჯერებთ, “ფეინოორდის“ საშინაო მატჩებზე დამსწრე ქომაგთა დაახლოებით 40%-ს ქალბატონები შეადგენენ, რაც ჰოლანდიისთვისაც კი მეტად დიდი და მსუყე მაჩვენებელია. აღსანიშნავია ისიც, რომ როტერადამულ კლუბს არაერთი ცნობილი ნიდერლანდელი მსახიობი, მომღერალი თუ მოდელი ქომაგობს.

ასე რომ, თბილისის “დინამოს“ იმ ქომაგებს, რომლებიც დედაქალაქურ კლუბს საქომაგოდ საქართველდან წაჰყვებიან, ან როტერდამში ევროპის სხვა ქალაქებიდან ჩავლენ, ახლავე ვაფრთხილებთ, რომ მათ წინააღმდეგ 11 თეთრ-წითელ მაისურიანი ფეხბურთელის გარდა, ჰოლანდიელ “ამორძალთა“ მთელი არმია იქნება და იქ ამბავი დატრიალდება - დედა შვილს არ აიყვანს ხელში...

0.113645