საქართველოს ხმლით მოფარიკავეთა ნაკრებმა, ბუდაპეშტში მიმდინარე მსოფლიო ჩემპიონატზე მერვედფინალში საფრანგეთის ძლიერი ნაკრები ანგარიშით 45-42 დაამარცხა და საუკეთესო რვა გუნდში მოხვდა.
ქართველი მოფარიკავეები მედლებისათვის ბრძოლას ხვალ განაგრძობენ. მეოთხედფინალში მეტოქე იტალიის ნაკრებია, რომელთანაც საქართველოს ნაკრები ერთი თვის წინ, ევროპის ჩემპიონატზე 44-45, საერთო აზრით, მიკერძოებული მსაჯობის გამო დამარცხდა.