უიმბლდონის დასრულების შემდეგ ATP-მ რეიტინგი განაახლა, რომლის მიხედვითაც ნიკოლოზ ბასილაშვილი კვლავაც მე-16 პოზიციაზე იმყოფება. ქართველი ჩოგბურთელის აქტივში 1 995 ქულა გახლავთ.

მოწინავე ათეულში პრაქტიკულად მნიშვნელოვანი ცვლილება არ მომხდარა, თუ არ ჩავთვლით იმას, რომ თითო პოზიციით დაწინაურდნენ კარენ ხაჩანოვი და ფაბიო ფონინი.

რაც შეეხება ლიდერთა სამეულს, უცვლელია - უიმბლდონის ტრიუმფატორი ნოვაკ ჯოკოვიჩი პირველია, ხოლო კვალში რაფაელ ნადალი და როჯერ ფედერერი უდგანან.

ერთიც, უნდა აღინიშნოს რობერტო ბაუტისტა აგუტის პროგრესი, რომელიც ერთბაშად 9 საფეხურით დაწინაურდა და ამჟამად მე-13 ადგილზე დამკვიდრდა.

1. ნოვაკ ჯოკოვიჩი (სერბეთი) - 12 415 ქულა

2. რაფაელ ნადალი (ესპანეთი) - 7 945

3. როჯერ ფედერერი (შვეიცარია) - 7 460

4. დომინიკ ტიმი (ავსტრია) – 4595

5. ალექსანდრ ზვერევი (გერმანია) – 4 325

6. სტეფანოს ციციპასი (საბერძნეთი) – 4045

7. კეი ნიშიკორი (იაპონია) – 4 040

8. კარენ ხაჩანოვი (რუსეთი) – 2 890

9. ფაბიო ფონინი (იტალია) – 2 785

10. დანილ მედვედევი (რუსეთი) – 2 625

...16. ნიკოლოზ ბასილაშვილი (საქართველო) – 1 995