გასართობ ცენტრ Ballroom-ზში საქართველოს სპორტულ ჟურნალისტთა ასოციაციის ეგიდით კიდევ ერთი ტურნირი გაიმართა. ბოულინგში. ძალიან საინტერესო მონაწილეებით.

ტურნირის სპეციალური პარტნიორი იყო "ზედაზენი", რომელმაც მონაწილეებს გამაგრილებელი სასმელები გადასცა.

ტურნირში ჩაერთო 7 გუნდი. სპეციალურად მოწვეულ მონაწილეებში იყვნენ ცნობილი ტელესახე მანიკა ასათიანი, საქართველოს კალათბურთელთა ნაკრების წევრი მერაბ ბოქოლიშვილი, ძალოსნობაში ევროპის ჩემპიონი რაულ ცირეკიძე და კალათბურთის სამყაროს კიდევ ერთი წარმომადგენელი ლევან ფაცაცია.

ტურნირი ორ ფრეიმად ჩატარდა.

საბოლოოდ, პირველ ადგილზე გავიდა გუნდი "კამარა", რომლის შემადგენლობაშიც იყვნენ სპორტული ჟურნალისტები კახა ფაჩუაშვილი, ზვიად შათირიშვილი და ცირეკიძე. 703 ქულა. მეროეზე ამთავრებს შეჯიბრს გუნდი "ბოქოლები" (637 ქულა, მერაბ ბოქოლიშვილის შემადგენლლობით) და ჩვენი კოლეგებით დაკომპლექტებული "რეკორდმაისტერი" (607 ქულა) მესამეზე გავიდა. ყველაზე შედეგიან მამაკაც მოთამაშეს (კახა ფაჩუაშვილი, 303 ქულა) Ballroom-მა სპეციალური ფასიანი ვაუჩერი გადასცა. იდენტური ვაუჩერი მიიღო ყველაზე შედეგიანმა გოგონამ (მანიკა ასათიანი, 173 ქულა).

საქართველოს სპორტულ ჟურნალისტთა ასოციაციამ გამარჯვებულებს (გუნდურ და ინდივიდუალურ დისციპლინაში) გადასცა ფასიანი პრიზები და თავისი ეგიდით გამოცემული სპორტული ლიტერატურა.

ტურნირის საინფორმაციო პარტნიორი იყო რადიო "ჯაკო".