მადრიდის „ატლეტიკოს“ აწ უკვე ყოფილი ფეხბურთელი ანტუან გრიზმანი კარიერას „ბარსელონაში“ გააგრძელებს. სატრანსფერო საგა დღეს დასრულდა და ფრანგის „კამპ ნოუზე“ გადაბარგების ინფორმაცია კატალონურმა გრანდმა ოფიციალურად დაადასტურა.
„ბარსამ“ 28 წლის ფრანგი შემტევის გამოსასყიდი თანხა, რომელიც 120 მილიონ ევროს შეადგენდა, გადაიხადა და ფეხბურთელს კონტრაქტი გაუფორმა.
გრიზმანი „ბლაუგრანას“ ღირსებას 2024 წლის 30 ივნისამდე დაიცავს, ხოლო მისი გამოსასყიდი თანხა 800 მილიონი ევრო იქნება.
ანტუან გრიზმანი „ატლეტიკოში“ 2014 წლიდან თამაშობდა და 257 მატჩში 133 გოლი გაიტანა. მანამდე კი კარიერა სან სებასტიანის „რეალ სოსიედადში“ დაიწყო, სადაც 201 შეხვედრაში თავი 52-ჯერ გამოიჩინა. საფრანგეთის ნაკრებში კი 2014 წლიდან დღემდე 70 თამაშში მეტოქეები 29-ჯერ დაამწუხრა.
