თამაშგარე

12:16 | 10.07.2019 | ნანახია [] - ჯერ

ოპოზიციონერი აიდა იესპიკე

ვენესუელელი მოდელი აიდა იესპიკა უკვე ხუთი წელია, რც ამერიკის შეერთებულ შტატებში ცხოვრობს და მოღვაწეობს, თუმცა სხვებზე არანაკლებად შესტკივა საკუთარ სამშობლოზე გული და ვენესუელაში ამჟამად შექმნილ რთულ პოლიტიკურ და ეკონომიკურ ვითარებაზე ხშირად საუბრობს.

რა გასაკვირია, რომ ვენესუელას მკვიდრთა მსგავსად, აიდაც ამ ქვეყნის მებრძოლი ოპოზიციის მომხრეა და ჭირის დღესავით სძულს უზურპატორი პრეზიდენტი მადურო. სწორედ ამიტომ, ამ დიად ასულს ვენესუელაში შესვლა პრაქტიკულად აკრძალული აქვს, რაც ცხადია მას ძალიან აბრაზებს.

იყო დრო, როდესაც აიდა იესპიკა ვენესუელას საფეხბურთო ნაკრების თილისმად ითვლებოდა და ვენესუელას ნაკრების პრაქტიკულად არც ერთი საშინაო მატჩი არ ტარდებოდა ამ ხელიხელსაგოგმანები გოგონას გარეშე. თუკი ვენესუელას ოპოზიციამ იმძლავრა და დიქტატორი მოიშორა, აიდა იესპიკა კარაკასის ცენტრალური სტადიონის ტრიბუნებს კვლავინდებურად დაამშვენებს.

0.115728