მილანის „ინტერი“ სატრანსფერო პერიოდში აქტიურობას აგრძელებს და დრეს კიდევ ერთი ფეხბურთელი გაიფორმა. როგორც „ნერაძურის“ ვებგვერდი იტყობინება, სტეფანო სენსი ამიერიდან ლომბარდიული გრანდისთვის გაირჯება.
23 წლის ფეხბურთელი „ინტერში“ დამდეგ სეზონს იჯარის წესით გაატარებს. საიჯარო ხელშერეკრულებამ 5 მილიონი ევრო შეადგინა, ხოლო მისი გამოსყიდვა ერთი წლის შემდეგ 25 მილიონ ევროდ იქნება შესაძლებელი.
„ძალიან ბედნიერი ვარ, რომ „ინტერში“ ვითამაშებ. შესანიშნავ სეზონს ველოდები, ფორცა „ინტერ“, - თქვა სენსიმ.
იტალიელი ნახევარმცველი 2016 წლიდან მოყოლებული „სასუოლოს“ რიგებში თამაშობდა და 68 მატჩში 5 გოლი გაიტანა. იტალიელ ფეხბურთელს იტალიის ნაკრებში ორჯერ უთამაშია და 1 გოლის გატანა მოახერხა.
შეგახსენებთ, რომ „ინტერმა“ გუშინ დიეგო გოდინისა და ვალენტინო ლაზაროს ტრანსფერებიც ოფიციალურად დაადასტურა.
