მსოფლიოს ბულვარული მედიისთვის ერთ-ერთი სანუკვარი “საკბილო“, ზე-პოპულარული მსახიობ-ფეხბურთელური წყვილი როგორც ჩანს საბოლოოდ დაშორდა. საუბარია ფრანგული “მარსელის“ ფეხბურთელ ადილ რამისა და ლეგენდარული ამერიკელი მსახიობი ქალის, პამელა ანდერსონის ერთწლიან რომანზე.

ადილ რამი და პამელა ანდერსონი თანაცხოვრების ჟამს ნამდვილად არ გამოირჩეოდნენ სიტყვაუხვობით, თუმცა პრესა მაინც ახერხებდა მათი ცხოვრების ამსახველი საინტერესო ამბების თუ ფოტოების მოპოვებას. ეს ყველაფერი პამელა ანდრესონს დიდ არაფრად უღირდა, ადილ რამი კი ჟურნალისტებს თურმე სულ ერჩოდა და ბრაზობდა მათზე.

როგორც დასაწყისშივე გითხარით, ეს წყვილი საბოლოოდ მაინც დაშორდა და ამ დაშორების შესახებ ფეხბურთელმაც და მსახიობმაც ცალ-ცალკე განაცხადეს. ჰოლივუდში ჭორები დადის, პამელას უბრალოდ მოსწყინდა ფეხბურთელ კაცთან ცხოვრებაო, ადილ რამი კი ვერის პარკში მჯდარი კომბლიანი ქართველივით დუმს და იბოღმება...