„მანჩესტერ იუნაიტედი“ მზადაა თავდამსხმელი მარკუს რაშფორდი კლუბის ერთ-ერთ ყველაზე მაღალანაზღაურებად მოთამაშედ აქციოს. მხარეები ახალი ხუთწლიანი კონტრაქტის გაფორმებასთან ახლოს არიან, რომლის მიხედვითაც 21 წლის შემტევის ჯამაგირი კვირაში 200 ათასი გირვანქა (დაახლოებით 223 ათასი ევრო) იქნება - გვამცნობს ESPN.

ამჟამად „მანჩესტერში“ ყველაზე მეტს ჩილელი ალექსის სანჩესი გამოიმუშავებს. მანკუნიანელები კვირაში მას 391 ათას გირვანქას უხდიან.

შეგახსენებთ, რომ რაშფორდით „ბარსელონა,“ მადრიდის „რეალი“ და „მანჩესტერ სიტიც“ არიან დაინტერესებულნი.

გასულ სეზონში რაშფორდმა მანჩესტერელთა მაისურით 47 მატჩი ჩაატარა, 13 ბურთი გაიტანა და 9 საგოლე პასი მიითვალა. მისი ამჟამინდელი კონტრაქტი 2020 წლის 30 ივნისამდეა გათვლილი.