ბერძნულ-რომაულ სტილით მოჭიდავეთა ნაკრების წევრი დათო ჩხარტიშვილი მინსკში მიმდინარე ევროპულ თამაშებზე ბრინჯაოს მედალოსანი გახდა.
60 კგ წონით კატეგორიის ბრინჯაოს მედლისთვის შეხვედრაში ჩხარტიშვილი რუმინელ რაზვან არნაუს დაუპირისპირდა და უმძიმეს ბრძოლაში იმარჯვა. პირველი პერიოდი რუმინელმა 3:0 მოიგო, მაგრამ მეორე პერიოდში ქართველმა ფალავანმა ჩამორჩენა გააბათილა და შეხვედრა 3:3 დასრულდა. ვინაიდან, ბოლო ქულები ქართველმა მოიპოვა, გამარჯვებაც მას დარჩა.
ეს კი, საქართველოს დელეგაციისთვის ევროპულ თამაშებზე 27-ე მედალია - 6 ოქრო, 7 ვერცხლი, 14 ბრინჯაო.
გარდა ამისა, აქვე გეტყვით, რომ დღეს ფინალში იჭიდავებს (რამდენიმე წუთში) შაგი ბოლქვაძე, ხოლო ხვალ ბერძნულ-რომაულ ჭიდაობაში ასევე ფინალი ელის იაკობ ქაჯაიას და კრივში სახილ ალახვერდოვს. ბრინჯაოს მედლის მოპოვების შანსი კი, რევაზე ნადარეიშვილსაც ექნება.
