ფეხბურთი

19:15 | 29.06.2019 | ნანახია [] - ჯერ

ფოთის "კოლხეთში" მძიმე ფინანსური ვითარებაა და ფიფასგან სანქციები ემუქრება

ფოთის "კოლხეთი" მძიმე ფინანსურ ვითარებაშია და ფიფასგან სანქციები ემუქრება. ამის შესახებ მეგრული გუნდი ფეისბუქგვერდზე იტყობინება.

"სამწუხაროდ საზოგადოებას გვინდა ვაუწყოთ რომ ფოთის ,,კოლხეთი 1913'' დღეისათვის უმძიმეს ფინანსურ კრიზისში იმყოფება რადგან გასული სეზონის მეორე ნახევრიდან რბილად რომ ვთქვათ გუნდის ხელმძღვანელთა და სპონსორთა არასწორი მენეჯმენტის გამო მას უამრავი დავალიანება დაუგროვდა რის გამოც არაერთი სახის მკაცრი სანქციები ემუქრება. უპირველეს ყოვლისა უახლოესი 2 დღის განმავლობაში გასასტუმრებელია გასულ სეზონში ჩვენი გუნდის რიგებში მოასპარაზე ბურკინა ფასოელი მცველის კრისტიან კაბორეს დავალიანება რომლის უზრუნველყოფას მსოფლიო ფეხბურთის უმაღლესი საფეხბურთო ორგანო ფიფა (FIFA) აკონტროლებს. გადაუხდელობის შემთხვევაში 2 ივლისიდან ჩვენს გუნდს წელიწად ნახევრის განმავლობაში აეკრძალება საფეხბურთო ტრანსფერების განხორციელება რაც ბუნებრივია გუნდზე განსაკუთრებულად უარყოფითად იმოქმედებს, ხოლო ვალი ყოველმიზეზის გარეშე მაინც გადასახდელი დარჩება. ასევე 15 ივლისამდე გადასახდელია კიდევ 5 ყოფილი ფეხბურთელის დავალიანება რომლის არგადაუხდელობის შემთხვევაში გუნდს სავარაუდოდ, ისევე როგორც გასულ სეზონში 6 ქულით დააჯარიმებენ რაც დაგვეთანხმებით კატასტროფის ტოლფასია. დღეს ჩვენთვის ცნობილი გახდა რომ ამ პრობლემების მოგვარებაში აქტიურადაა ჩართული ქალაქ ფოთის მერი ბ-ნი გოჩა კურდღელია რომელიც ამ თემასთან დაკავშირებით უკვე შეხვდა საქართველოს ფეხბურთის ფედერაციის მაღალჩინოსნებს და იმედს ვიტოვებთ რომ იგი მოახერხებს ზემოთხსენებული პრობლემების მოგვარებას, წინააღმდეგ შემთხვევაში ქვეყნის პირველი გუნდი შესაძლებელია გაქრეს ქართული საფეხბურთო რუკიდან რასაც იმედია ჩვენი ქალაქი არასოდეს დაუშვებს...", - ნათქვამია განცხადებაში.

შეგახსენებთ, რომ ფოთის "კოლხეთი" კრისტალბეთ ეროვნულ ლიგა 2-ში ასპარეზობს, სადაც 16 ტურის შემდეგ 16 ქულით მერვე ადგილზე იმყოფება.

თეგებიკოლხეთი
Loading...
0.14404