ფეხბურთი

15:45 | 28.06.2019 | ნანახია [] - ჯერ

"მილანი" ევროპა ლიგიდან მოკვეთეს

იტალიური „მილანი“ ევროპა ლიგის 2019-2020 წლის გათამაშებაში მონაწილეობას ვერ მიიღებს. აღნიშნული ინფორმაცია ოფიციალურად დადასტურდა. ლოზანის სპორტულმა საარბიტრაჟომ „როსონერის“ დამდეგი გათამაშებიდან მოკვეთის გადაწყვეტილება მიიღო.

„2019-2020 წლების სეზონში „მილანი“ უეფას ტურნირებიდან მოხსნილია. 2015-2016, 2016-2017, 2017-2018 წლების სეზონში ჩატარებული მონიტორინგის შედეგად „მილანს“ საბიუჯეტო ვალდებულებების დარღვევა აღმოაჩნდა“, - ნათქვამია განცხადებაში.

აღსანიშნავია, რომ იტალიურმა გრანდმა ტურნირიდან მოკვეთის შესხებ საარბიტრაჟო სასამართლოს თავად მიმართა და მისი მოთხოვნა დაკმაყოფილდა. აქვე გეტყვით, რომ „მილანის“ ნაცვლად ევროპა ლიგაზე იტალიას „ტორინო“ წარმოადგენს.

0.112161