ჩოგბურთი

10:53 | 13.06.2019 | ნანახია [] - ჯერ

ბერტენსი“ „პირველი ჩოგანი? რატომაც არა“

ჰოლანდიელმა ჩოგბურთლმა, კიკი ბერტენსმა, თავისი შესაძლებლობები შეაფასა და ჟურნალისტებს უთხრა, რომ შეუძლია ერთხელაც პირველი ჩოგანი გახდეს.

ამჟამად ბერტენსი WTA-ს რეიტინგში მეხუთეა.

„თუ კარგი დღე მაქვს, ნებისმიერი მოწინააღმდეგის დამარცხება შემიძლია. თუ ცუდი, ნებისმიერთან წაგება. საუკეთესო ასეულში ყველა პროფესიონალები არიან. კონკურენციაც დიდია. თუმცა, ვცდილობ, ყოველ შეხვედრაში ბოლომდე დავიხარჯო.

ორი წლის წინათ, შეიძლება კარიერაც დამესრულებინა. მაშინ საუკეთესო 30-ში მოვხვდი, რაც უკვე დიდი მიღწევა იყო. მაგრამ ვგრძნობდი, რომ მეტი შემეძლო. გავხდები თუ არა პირველი ჩოგანი? რატომაც არა, ამჟამინდელი კონკურენციის პირობებში ყველაფერი შესაძლებელია.

ჩოგბურთი კვლავ ძალიან მიყვარს. როცა კორტზე ყველაფერი გამომდის, ეს მაგიას ემსგავსება.“ უთხრა ბერტენსმა The Holland Herald-ს.

Loading...
0.113754